Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents PressaPrevost, Benedikt lemma sequent

Prevost
Famiglia aristocratica da Visavraun. Il num P. provegn dal lat. praepositus (tud. Ammann, Meier) e cumpara oz sco Prevosti. Gia en il 12. tsch. era domiciliada la fam. da ministerials da l'uv. da Cuira a Visavraun. L'emprim exponent da la fam. attestà il 1190 è Johannes à Praepositis. La fam. P. ha mess en la Bergiaglia Sopraporta numerus notars, solitamain cun autoritad imperiala; quels eran fitg stimads ed occupavan savens l'uffizi da podestat, era suenter che l'influenza da l'uvestgieu era sa sminuida considerablamain en la Bergiaglia en il 15. tschientaner. Il 1367 è doc. a l'occasiun da la fundaziun da la LCD il podestat Ulrich Propst (la versiun tud. da P.). La fam. possedeva numerus feuds episcopals en la Bergiaglia e singuls feuds a Beiva ed a Ftan. En il 15. e 16. tsch. appartegneva ella, sper las fam. Castelmur e von Stampa, a las schlattas aristocraticas da la Bergiaglia Sopraporta. Rudolf ha promovì a Bologna al dr.iur. ed è stà là rectur da l'universitad. Il 1517-25 ed il 1531-37 ha el occupà l'uffizi da vicari en Vuclina. En il 16. e 17. tsch. fascheva la fam. era commerzi da saida a Turitg e Basilea ed occupava en la Bergiaglia, en l'Engiadin'Ota ed en la Val Schons div. uffizis politics, giudizials e militars. Lingias da la fam. èn sa domiciliadas en la Tumleastga, a Cuira ed en la Val Müstair. Da la davosa lingia deriva l'avat da Mustér Benedikt. Il 1552 ha il chapit. Scher obtegnì il titel da chavalier da l'imp. Carl V; dapi alura definiva la fam. sia derivanza dals Fabians (schlatta aristocratica rom.). Il 1618 è vegnì executà a Tusaun Johann Baptista.


Litteratura:
N. von Salis-Soglio, Die Bergeller Vasallengeschlechter, 1921; Grimm, Aristokratie; G. Pool, Bergeller Notare, en: JHGG, 1983, 63-154.

Paul Eugen Grimm

lemma precedents PressaPrevost, Benedikt lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: