Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Kuoni, AndreasKuoni, Michael lemma sequent

Kuoni, Jakob
* 6-11-1850 a Maiavilla, † 23-7-1928 a Maiavilla, ref., da Maiavilla. Figl da Jakob, guardian da notg e pur, e da Magdalena n. Stocker, da Maiavilla. ∞ 1) 1874 Marietta n. Wiget, figlia da Johann Jakob, 2) 1878 Wilhelmine n. Schulthess, figlia da Johann Jakob. Seminari scolastic ad Aschera 1866-69, alura scolast ad Engi/GL 1870-72, a Kirchberg/SG 1872-80 ed en la vischnanca da scola da la citad da S. Gagl 1880-1904. Actuar da scola en uffizi cumplain a S. Gagl 1904-18. Da return a Maiavilla, ha K. fatg part dal cussegl da scola. Ultra da numerusas publicaziuns davart dumondas liadas a l'instrucziun da las linguas (tr.a. en la «Schweizerische Lehrerzeitung») ha el redigì meds didactics per l'instrucziun da la lingua, da l'istorgia e da l'enconuschientscha da la patria. K. ha era scrit raquints per giuvenils, dramas istorics e poesias. Sia ovra principala è la vasta collecziun da legendas «Sagen des Kantons St. Gallen» (1903).  


Litteratura:
Deutsches Literatur-Lexikon, fundà da W. Kosch, 9, 19843, 727 s.; H. Blattmann, Jakob K. (1850-1928), en: Sagenerzähler und Sagensammler der Schweiz, edì da R. Schenda, 1988, 397-418.

Karin Marti-Weissenbach

lemma precedents Kuoni, AndreasKuoni, Michael lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: