Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Diogg, Felix MariaDisch, Gion lemma sequent

Direcziun chantunala da tiradurs
Il moviment da tir dal Grischun è sa sviluppà sut la surveglianza da la Regenza a basa dal reglament militar dal 1817 ed en il rom da l'Uniun da tiradurs dal Grischun (fundada il 1826). Ils iniziants principals da quel èn stads o.t. il colonel Georg Buol (div. onns pres. da la Direcziun chant. da tiradurs) ed il colonel Peter Conradin von Tscharner (pres. da l'Uniun grischuna militara, fundada il 1834). La Direcziun chant. da tiradurs è vegnida schliada il 1852. Il moviment da tir vuleva promover la conscienza naziunal-patriotica ed il spiert da defensiun da la patria. Las festivitads che duravan per part plirs dis eran in rom ideal per quel intent, o.t. las festas fed. da tir biennalas (il 1842 a Cuira). L'emprima Festa chant. da tir è vegnida celebrada dals 5 fin ils 7 da sett. 1844 a Samedan en preschientscha da ca. 300 tiradurs. Las festas da tir permettevan era al giuven moviment dals chors virils da sa producir publicamain. Las tentativas dal 1829-31 da motivar las vischnancas d'eriger stans da tir n'han - per motivs finanzials - betg gì grond success. L'obligaziun da tir è vegnida introducida successivamain pir suenter il 1850, il tir obligatoric per tut ils schuldads tras l'organisaziun militara fed. il 1874.


Litteratura:
J. Michel, Zur Geschichte des bündnerischen Schützenwesens vom 15. bis ins 20. Jahrhundert, en: JHGG, 1920, 99-145; 1921, 1-86; H. Sutter, 500 Jahre Schützengesellschaft der Stadt Chur, 1475-1975, 1975.

Adolf Collenberg

lemma precedents Diogg, Felix MariaDisch, Gion lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: