e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Zambra Zarn, Marcus  Zanetti, Oreste * 22-9-1922 a Poschiavo, † 1-3-2006 a S. Vittore, ref., da Poschiavo. Figl da Lorenzo, magister da musica, e da Clara n. Semadeni, da Poschiavo. ∞ Oci n. Lang. Seminari scolastic a Cuira, patentà il 1942. Magister a Cavajone, alura studis da musica a l'Academia da musica a Turitg, magister da musica ed organist a S. Murezzan 1947-57, directur da l'orchester da cura da S. Murezzan 1954-63. Studis da chant da scola e cumposiziun a Lucerna, diplom da concert d'orgla 1964. Magister da musica a la Scola chant. resp. al Seminari scolastic a Cuira 1957-87. Directur da div. chors (tr.a. Comander/Cuira 1957-92, Frohsinn/Cuira), fundatur (1985) e directur dal Chor Madrigal a Cuira. Autur dal «Cantiamo» I e II per las scolas tal. dal Grischun. Cumponist d'ovras per chor ed instruments. Premi da renconuschientscha dal chantun Grischun 1988.  Litteratura: Schweizer Chor-Komponisten, 1999, 394-96 (cun fotogr. e reg. d’ovras); QGI, 76/2007, 272 s. Adolf Collenberg  Zambra Zarn, Marcus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: