Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Wick, FritzWidmer [-Schlumpf], Eveline lemma sequent

Widmer, Ambros
* 6-4-1917 (Karl) a Gommiswald/SG, † 31-8-2011 a Mustér, cat., da Bütschwil/SG. Figl da Josef, scolast, e dad Anna n. Blöchlinger, da Goldingen/SG. Gimnasi a Mustér. Suenter studis da filosofia a l'Angelicum a Roma, è el entrà il 1937 en la claustra da Mustér, profess 1938, ordinaziun 1942. Studis da teologia en la claustra da Mustér, alura studis da romanistica e d'englais a Friburg 1943-45, dr.fil. 1958 («Das Personalpronomen im Bündnerromanischen in phonetischer und morphologischer Schau»). Magister a la scola claustrala (tr.a. da rumantsch 1966-90), prefect dal Liceum 1946-55 e 1959-70, protector da l'Academia romontscha. Grond amatur e perscrutader da la lingua e cultura rum. (surtut da la Cadi) e publicist regular en la «Gasetta Romontscha». Engaschà sco poliglot en la pastoraziun dals lavurers esters. Premi CRR 1990 e Premi Desertina 2006. 


Ovras:
Das Rätoromanische in Graubünden, 1965; Dokumentation über das Medelsertal, 1971 (1984²); Svilupar il senn social enviers nos luvrers iasters, 1974; Die Orts- und Flurnamen des Medelsertales, 1982; Turissem e cultura, 1982; Zu den Ortsnamen und zur Mundart von Disentis, 1991; Aus den Memoiren des Unterhaus-Präfekten, 1996.

Litteratura:
LQ, 2-9-2011; SO, 3-9-2011.

Adolf Collenberg

lemma precedents Wick, FritzWidmer [-Schlumpf], Eveline lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: