Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Vonmoos, SchimunVonzun [Meisser-Vonzun], Anny lemma sequent

Vonmoos [Famos], Jon
* 10-6-1873 a Ramosch, † 3-3-1956 a Ramosch, ref., da Ramosch. Figl da Not, commerziant en l'Italia, e dad Uorschla n. Bardola, da Martina. Frar da Schimun. ∞ 1) Maria Eva n. Tognoni, da Bever e S. Murezzan, 2) Elisabeth n. Jäger, da Peist. Scolas a Ramosch ed a l'Institut a Porta a Ftan. Gimnasi a Cuira, stud.iur. a Heidelberg, Turitg, Minca e Berlin, patenta d'advocat a Berna. Advocat e pur cun in grond possess a Ramosch. Pres. cirquital da Ramosch 1897-1901, pres. da la dretgira cirq. 1945-51. Deputà lib. en il Cussegl grond 1897-1914 e 1919-47 (pres. 1908 e 1937), cuss. guv. dal schan. 1914 fin il mars 1920 (Dep. da l'intern e finanzas, pres. 1916 e 1920), cuss. naz. 1919-43, comm. da div. cumissiuns (dazi, finanzas, gestiun, e.a.). Fundatur e 20 onns pres. dal Club da purs da las chombras federalas. Comm. dal cussegl administrativ da la Viafier retica 1906-52 (pres. 1939-52) e da las OE Grischun/Ovras reticas SA 1918-24. Cuniniziant da la Hovag/Domat. Comm. da la Societad agricula chant. 1907-40 (pres. 1920-40) e da l'Uniun purila grischuna 1925-40; suprastant da la Societad agricula fed. 1920-52; pres. da la Selva (Societad chant. dals producents da laina) 1934-46. V. ha fatg valair sia influenza politica sin ils champs da l'agricultura, selvicultura ed economia alpestra. El è stà l'iniziant da la lescha d'assicuranza da donns elementars ed ha fulà via a Berna per in sustegn finanzial a la Lia Rumantscha, fundada il 1919.


Litteratura:
Annalas, 71/1958, 179-85; Gruner, Bundesversammlung, 631 s.

Jürg Simonett

lemma precedents Vonmoos, SchimunVonzun [Meisser-Vonzun], Anny lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: