Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Veraina, Pass dalVerendarius lemma sequent

Verdabbio
Vischnanca polit., cirq. Roveredo, distr. Moesa, cun la fracz. da Piani di V. La vischnanca separada en duas parts tras il territori da la vischnanca da Cama. L'intschess principal cun il center sa chatta sin la spunda dretga dal Mesauc, Piani di V. s'extenda sin la spunda sanestra da la val. 1203 Vertabio. 1802 145 abit.; 1850 198; 1900 185; 1950 177; 2000 165. En il guaud da tieus sur la vischnanca han ins scuvert in dals pli gronds grips da lavetsch da la Svizra. Entaifer il Comun grande di Mesocco fascheva V. part da la squadra d'amez e dal vicariat da Roveredo. La baselgia parochiala da S. Pieder, menz. per l'emprima giada il 1219, vegnida engrondida en il 17. tschientaner. L'agricultura stada per tschientaners l'activitad principala dals da V. ch'n era emigrads sco vaidrers en tut l'Europa, sco commerziants en Germania e sco picturs da paraids en Frantscha. Il 1836 vegnida installada a Piani di V. ina ferrera (Societ a Marca-Schenardi & Co, betg pli activa) che s'occupava a l'entschatta da la fabricaziun d'iseglias (fautschs, farclas, euv.), en il 20. tsch. dad objects d'atschal manufacturads, realisads per la construcziun da vias e per l'explotaziun da l'energia idraulica da la regiun.


Litteratura:
R. Boldini, Itinerari artistici del Moesano, en: QGI, 59/1990, 142-52, 247-60; B. Keiser e.a., V., 1999; M. Tognola e.a., V., 2007.

Cesare Santi

lemma precedents Veraina, Pass dalVerendarius lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :