Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents VischinVischnanca lemma sequent

Vischinadi
Il term vischinadi designava oriundamain ina corporaziun economica d'utilisaziun e da tgira dals bains communabels, cumponida dals vischins. En il 15. e 16. tsch. è el sa sviluppà a la corporaziun da vischnancas (lad. cumün pitschen). En las vals renanas è il term vischinadi actualmain sinonim da fracziun. Il term engiadinais vaschinadi/vschinedi correspunda al term surs. dretg da burgheis/da vischinadi. Extensiuns dal term vischinadi èn: vischinadi d'onur, vischinadi da stadi (naziunalitad), attest da vischinadi (certificat d'origin), dretg da vischinadi (dretg territorial). En nums locals cumpara il vischinadi sco Wisinat (doc. a Cuira per il 14. tsch.), Er da Vaschinadi (Calantgil) e Sorts da vaschinadi (Ziràn). Derivaziuns èn: Vacczschenâs (1408 Gianin), Viginals/Viginaus (1434 Tuer), Vaznaus (1548 Maladers) e - anc adina actual - Plon Vaschnaus (Domat), Vischnos (Tumein) e Vischnaus (Breil).


Litteratura:
Pult, Ämter und Würden, 421-24; RN 2, 366

Martin Bundi

lemma precedents VischinVischnanca lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: