Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents TerminTerras subditas lemma sequent

Terra Grischuna
Periodica fundada il 1942 da Balz Fetz, publitgada quatter fin sis giadas l'onn, l'emprim cun il suttitel «Heimatnachrichten», alura «Zeitschrift für Natur, Kultur und Freizeit in Graubünden». Emprim editur: Ediziun Balz Fetz (Basilea, 1968-98 Bottmingen), suandà da ses figl Reto (domicilià a Cuira). Organ uffizial da la Pro Raetia dapi il 1955. Redacturs: Balz Fetz (1942-59), Christian Walther (1959-88), Markus Joos (a partir dal 1988). La TG è ina intermediatura impurtanta tr. las culturas grischunas e vegn era numnada - causa ses engaschament e l'auta qualitad da sias contribuziuns ed illustraziuns - l'ambassadura grischuna a l'exteriur. Ella cumpiglia dapi il 1982 era ina "Pagina rumantscha" (red.: Rita Cathomas-Bearth 1982-92, Gian Peder Gregori 1992-2000, Daniel Telli dapi il 2000). Il 1983 ha la TG publitgà sco emprima periodica ina pagina en rg (nr 4, 1983). Ediziun: 1942 180 exemplars policopiads; 1955 2'000; 2010 10'136. Il 1-1-2007 ha la Südostschweiz Print AG surpiglià la TG.


Adolf Collenberg

lemma precedents TerminTerras subditas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :