Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents StampariasStanyan, Abraham lemma sequent

Stan
Noziun cun pliras significaziuns che fa part da la lingua da la scienza sco era da la lingua polit.-sociala ed etic-normativa dal temp medieval e dal temp modern tempriv. Ella designescha en emprima lingia las gruppas da persunas determinadas tras lur naschientscha, lur lavur, lur professiun u lur uffizis en il rom d'ina societad da stans e privilegiadas a moda ineguala (societad da stans).
En segunda lingia (en il senn politic e dal dretg public) designescha ella las gruppas da manaders e suverans privilegiadas ed organisadas en maniera corporativa, predominantas e pussantas, represchentadas politicamain sin il plaun imperial e statal (radunanza dals stans) ed en terza lingia la Republica en general, il Stadi. En quest ultim senn designescha la noziun da stan dapi il 16. tsch. la Confed. sco tala, surtut ils lieus confed., mintgatant era lur regenzas resp. las fam. regentas. Dapi la Mediaziun e la Restauraziun vegnan numnads stans ils chantuns ed ils mezs chantuns. La noziun è anc preschenta en quest senn en Cussegl/cusseglier dals stans ed iniziativa dals stans. L'idea dal Stadi da stans s'orientescha al corporatissem. En la Republica grischuna d'avant il 1800 discurrivan ins da stans en il senn da radunanzas gen. extraordinarias da las Lias (Standesversammlung), betg identicas cun las dietas ordinarias da quellas (Bundstage).



André Holenstein

lemma precedents StampariasStanyan, Abraham lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: