Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Societad grischuna per la perscrutaziun da la natira (SGN)Societad per la perscrutaziun da la cultura grischuna (SCG) lemma sequent

Societad istorica dal Grischun (SIG)
Incitada da Johann Ulrich von Salis-Seewis il 1816 e fundada da Theodor von Mohr, Otto Carisch e Georg Wilhelm Röder ils 21-3-1826 a Cuira cun il num Societad antiquara dal Grischun (SAG). Emprim pres.: Heinrich von Gugelberg. Intent: rimnar las funtaunas statalas ed ecclesiasticas da l'istorgia da la patria. La SAG ha edì a partir dal 1848 l'«Archiv für die Geschichte der Republik Graubünden» da Theodor von Mohr ed il «Codex diplomaticus» da Theodor e Peter Conradin von Mohr (resp. von Moor). L'impuls da Peter Kaiser (pres. 1850-51) da fundar in museum è vegnì realisà il 1870/71 cun il Museum retic. Suenter il 1860 èn las activitads da la SAG sa diminuidas, ed il dec. 1869 ha ella salvà sia davosa seduta. A Peter Conradin von Planta èsi alura reussì da fusiunar la SAG cun la Societad litterara da Cuira (doc. il 1860) e da transfurmar la Societad antiquara en la Societad istoric-antiquara dal Grischun (SIAG), fundada ils 20-10-1870 (pres.: Peter Conradin von Planta). La SIAG organisescha referats e publitgescha dapi il 1878, ultra dal rapport annual, contribuziuns scientificas en ses «Jahresbericht (dapi il 1985 «Jahrbuch») der historisch-antiquarischen Gesellschaft von Graubünden» (dapi il 1995: «Jahrbuch der historischen Gesellschaft von Graubünden»). Il 1901 ha intermedià la HAGG l'acquist da l'Alter Karlihof per la Biblioteca chant. e per l'Archiv chantunal. A partir dal 1904 ha ella era procurà per l'ordinaziun e la registraziun scientifica dals archivs regiunals e locals. La SIAG è la fundatura e la coeditura dal «Bündner Urkundenbuch». Ella sa preschenta dapi il 1994 puspè cun il num original da Societad istorica dal Grischun (SIG). Dumber da comm.: 1872 48; 1876 100; 1937 435; 1970 281; 2000 369.


Litteratura:
F. Jecklin, Aus der Geschichte der historisch-antiquarischen ehemals geschichtsforschenden Gesellschaft, 1926; C. Padrutt, 100 Jahre Historisch-Antiquarische Gesellschaft, en: JHGG, 1970, 13-40.

Adolf Collenberg

lemma precedents Societad grischuna per la perscrutaziun da la natira (SGN)Societad per la perscrutaziun da la cultura grischuna (SCG) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: