Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FexFidelis von Sigmaringen lemma sequent

Fidaz
Fracziun da la vischn. polit. da Flem, aclaun al pe dal Crap da Flem cun il bain da Scheia. Il 1440 è menz. la baselgia da S. Amplezi che datescha dal temp medieval tempriv. La regiun, urbarisada e colonisada da Rumantschs, è vegnida populada suenter il 1300 da Gualsers, immigrads da Val ed alura romanisads. La Casa Martin pign, erigida enturn il 1595, è in vair juvel da l'architectura indigena (rum.). Il 1914 è vegnida construida ina teleferica per transportar rauba sin il Crap da Flem. Il 1939 ha sutterrà ina lavina da crappa la chasa d'uffants Sunnehüsli a l'ost da F., chaschunond la mort da 18 persunas. La gronda activitad da construcziun dals davos onns (chasa da cura, abitaziuns da vacanzas) han accelerà la germanisaziun dal vitg.


Litteratura:
Kdm GR 4, 12-14; H. Anliker, Flims, 1961 (1982²).

Martin Bundi

lemma precedents FexFidelis von Sigmaringen lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: