Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents TuverascaUCCG lemma sequent

Übercastel [Surcasti], von
Famiglia da ministerials episcopals da la Lumnezia, cun il chastè da fam. Ü. (rum. Surcasti), vischnanca da Suraua. La fam. è da la medema lingia u parentada cun ils de Castelberg ed ils von Löwenstein. Blers da lur exponents purtavan il num Hartwig, quai ch'era rar en questa concentraziun en il Grischun. Ils Ü. stevan savens en opposiziun cun ils de Razén, tr.a. Wilhelm II enturn il 1335 che cumpara pauc pli tard sco proprietari dal chastè da Baldenstein sper Seglias. L'impurtant Hartwig III è attestà il 1396 sco derschader en il conflict tr. l'uvestg da Cuira ed ils de Razén, il 1401 sco perditga en la liberaziun da la claustra da Mustér da la chastellania dals conts de Werdenberg ed il 1406 sco sigillader (per la Lumnezia) en l'allianza tr. la LCD e la Lia Sura (Lia dals signurs, fundada il 1395). Il davos represchentant da la fam. è stà prob. Hartwig IV, mort tr. il 1470 ed il 1480. 
 


Litteratura:
Poeschel, Castelberg; Clavadetscher/Meyer, Burgenbuch, 98.

Paul Eugen Grimm

lemma precedents TuverascaUCCG lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: