Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tonatsch [Tonnatz]Töndury, Emil lemma sequent

Töndury
Impurtanta schlatta engiadinaisa, residenta l'emprim a Ftan, a partir da ca. l'onn 1590 a S-chanf. La fam. ha giugà ina rolla dominanta en il svilup da l'hotellaria da l'Engiadina. Il 1856 ha fundà Gian (*1819) a S-chanf la Banca Engiadinaisa Töndury & Co. ch'è vegnida dischlocada il 1888 a Samedan. Gian (1854-95) è stà advocat a Turitg, alura viceconsul en il Portugal. Ses cusrin Gian (*1856) è stà activ sco politicher ed um da finanzas. En consequenza da la crisa economica ha la Banca Engiadinaisa stuì serrar ils spurtegls il 1934. Otto Theodor, il frar da Gian, è stà pres. dal cussegl administrativ e directur gen. dal Grandhotel Kurhaus Tarasp dal 1893-1918. Hans, il figl da l'advocat Johann, è stà in piunier da la scienza d'economia da manaschi a las univ. da Genevra e Berna. Gian (*1906), biadi dal Gian menziunà sura, è stà professer d'anatomia ed istorgia da l'evoluziun a l'Univ. da Turitg.  


Litteratura:
G.A. Töndury, Familien-Chronik T., ms., 1986, 365.

Dolf Kaiser

lemma precedents Tonatsch [Tonnatz]Töndury, Emil lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: