Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents TiberiusTinizong lemma sequent

Tini
Famiglia originara da Roveredo, attestada a partir dal 1471 cun Giovanni. In auter rom da la fam. ha obtegnì il vischinadi da S. Vittore il 1900; omaduas lingias existan anc. Ils T. han schendrà div. ecclesiastics, sco Francesco († 1680), vicari gen. da l'uvestgieu da Cuira, uffiziers en servetschs esters e funcziunaris publics. Giulio († 1676), il qual ha acquistà il dr.iur. a Roma il 1627, è stà notar e magistrat en il Mesauc. Carlo (1631-98) è stà chapit. en servetsch ester e mastral. Francesco è stà landfoct a Maiavilla (1697-99) e podestat a Tiraun (1717-19). Blers members da la fam. èn emigrads sco commerziants en Frantscha, Germania, Italia e Spagna. Tommaso (1706-78) è stà commerziant a Nürnberg ed a Dresden, entant che Domenico († 1751) è s'enritgì, grazia al commerzi a l'engrossa, dad ieli d'ulivas ed auters products alimentars a Genua.  


Litteratura:
C. Santi, Famiglie originarie del Moesano o ivi immigrate, 2001, 151-53.

Cesare Santi

lemma precedents TiberiusTinizong lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :