Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Spescha, FlurinSpescha, Matias lemma sequent

Spescha, Hendri
* 24-11-1928 a Trun, † 28-10-1982 tr. Turitg e Domat (en viadi da return cun la viafier), cat., da Trun. Figl da Josef, chalger e lavurer da fabrica, e da Catrina n. Nay. Frar da Matias. Nev da Sep Mudest Nay. ∞ Martina n. Jörger, da Domat. Seminari scolastic a Cuira 1944-49. Scolast primar a Tinizong 1949-50. Studis da psicologia, pedagogia, litteratura, istorgia, istorgia da la musica ed istorgia d'art a l'Univ. da Friburg. 1950-59, patenta da scolast secundar. Alura scolast secundar a Domat, directur dal Center grischun d'integraziun per persunas cun impediments a Cuira 1959-68, secretari da la LR 1968-78, redactur da la Televisiun rum. 1979-82. Comm. dal Cussegl grond per il cirquit da Razén 1973-79. S. vala sco in dals pli impurtants innovaturs da la lirica rum. («Il Giavin dalla siringia/Das Locken des Flieders», 1984; «Uss: poesias /Jetzt: Gedichte», 1998). Autur engaschà da gieus auditivs e raquints. Premi Schiller 1964.


Archiv:
ASL, relasch.

Litteratura:
Bezzola, Litteratura, o.t. 737-44; Deplazes, Die Rätoromanen, 472-76; Deplazes, Funtaunas 4.

Ursina Guldemond-Netzer

lemma precedents Spescha, FlurinSpescha, Matias lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: