Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ScanvetgScarpatetti (von Unterwegen) lemma sequent

Scappi, Alessandro
* 1572 (?), † 20-6-1653, cat., da Bologna. Figl da Mario, senatur e 1586 depositar da la camera apostolica, e dad Isabella n. Sampieri. Dr. iur.utr. Uvestg da Campagna e Satriano 1618, nunzi en Svizra 1621-28, uvestg da Piacenza 1627. S. represchentava o.t. en il Grischun ils interess da la baselgia catolica. El ha promovì la refurma da las claustras da Faveras e da Mustér, è s'engaschà il 1623 a la Dieta fed. da la Trais Lias a Cuira per l'execuziun dal Contract da Lindau dal 1622, per la restituziun dal chapitel catedral da Cuira e per la reconstituziun da las claustras da S. Gliezi/Cuira, da S. Nicolai/Cuira e da Cazas. Il 1627 ha el presidià la tscherna e la consecraziun da l'uv. Joseph Mohr. Suenter el èn numnads ils 18 artitgels dal 1623 (Scappische Artikel) ch'han empruvà da restaurar en il Grischun la giurisdicziun episcopala en la dimensiun veglia. S. è stà in sustegn indispensabel surtut per la Propaganda Fide ed ha collavurà per ina soluziun paschaivla en la questiun da la Vuclina.


Funtaunas:
Die Hauptinstruktionen Gregors XV. für die Nuntien und Gesandten an den europäischen Fürstenhöfen 1621-1623, elav. da K. Jaitner, 1, 1997, 318-20; 2, 1997, 668-90.

Litteratura:
M. Dosch, Der Lindauer Vertrag von 1622 und die Gegenreformation in Graubünden, 1970; HS I/1, 45, 498; A. Fischer, Lindauer Vertrag (1622) und Scappische Artikel (1623) als aussenpolitische Rahmenbedingungen für einen erfolgreichen Fortgang der katholischen Reform im bündnerischen Teil des Bistums Chur, en: Konfessionalisierung und Konfessionskonflikt in Graubünden, 16.-18. Jahrhundert, 2006, 111-29.

Urban Fink

lemma precedents ScanvetgScarpatetti (von Unterwegen) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: