Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Reitnau, vonRempars da torrents lemma sequent

Remedius
† 27 da zercl. 805/806 (evtl. era pir l'onn 820). R. derivava prob. dal circul da la curt francona. In indizi è sia relaziun amicala cun Alkuin, il famus scienzià anglosaxon a la curt da Carl il Grond. Enturn l'onn 800 era R. uvestg da Cuira ed exercitava, sco ses antecessurs, a medem mument il domini secular ed ecclesiastic. Tenor ina charta dad Alkuin era l'uv. R. responsabel per la protecziun da las vias en sia patria (v.d. la Currezia) sco era per ils dazis sin ils pass ed en stretgas da vals; el presidiava la dretgira dal pajais ed ha laschà rediger ils «Capitula Remedii», numnads suenter el e creads or d'in basegn pratic da la vita resp. da l'instrucziun da dretg. Quests decrets e l'uschen. «Sacramentar da R.» («Sacramentarium Gelasianum»), èn vegnids redigids prob. en il scriptori episcopal a Cuira enturn l'onn 800 en minusclas reticas. R. vala medemamain sco autur dal program iconografic da la pictura carolingica applitgada en la baselgia claustrala da Müstair cun scenas dal V.T. (o.t. da la vita da David) e dal N.T. (da la vita da Jesus e dals apostels).


Litteratura:
HS I/1, 470; K. Schmid, Von Hunfrid zu Burkard, en: Geschichte und Kultur Churrätiens, edì dad U. Brunold, L. Deplazes, 1986, 181-209, o.t. 201-04; R. Kaiser, Churrätien im frühen Mittelalter, 1998 (2008²).

Ursus Brunold

lemma precedents Reitnau, vonRempars da torrents lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: