Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Museum d'art dal Grischun Museum retic lemma sequent

Museum da la natira dal Grischun
Il Museum da la natira dal Grischun è sortì dal cabinet da natiralias da la Scola chant. grischuna. L'emprima collecziun  è vegnida integrada en il Museum retic, installà en la Chasa Buol a Cuira, ed è alura vegnida transferida il 1919 - ens. cun la collecziun d'art - en la Villa Planta. Il 1929 han ins avert il Museum da la natira dal Grischun ed il museum dal Parc Naziunal Svizzer (PNS) en l'edifizi nov gist dasperas, construì da l'architect Walther Sulser. En quel vegnivan exponids mo ils objects derivants dal Grischun, ils auters èn restads, sco part d'in museum chant. reservads a l'instrucziun da l'istorgia natirala, en la Villa Planta ed èn alura vegnids dischlocads il 1965 en l'edifizi dal Cussegl grond. Il 1967 ha il geolog lumnezian Moritz Blumenthal testamentà sia entira facultad (radund 3.4 miu. frs) al chantun Grischun, tr.a. per construir in nov museum da la natira. Quel ha pudì avrir sias portas il 1981 en l'edifizi odiern a la Via Masans, construì dals architects Bruno Giacometti e Dante C. Giannini. Il Museum da la natira dal Grischun cumpiglia la collecziun d'objects dal Grischun e da l'exteriur, ma betg pli la cumpart dal PNS. Directurs: Christian Tarnuzzer (fin il 1924), Karl Hägler (fin il 1955), Hans Brunner (fin il 1965), Paul Müller (fin il 1973), Jürg Paul Müller (fin il 2009), Ueli Rehsteiner (dapi il 2010).


Litteratura:
JNGG, 67/1928/29, IX-XXV; Festschrift zur Eröffnung des Bündner Natur-Museums, 1981; U. Ludwig, Das Bündner Natur-Museum in Chur, 2001.

Adolf Collenberg

lemma precedents Museum d'art dal Grischun Museum retic lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :