Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Poltera, RocPonn lemma sequent

Pompalus
Pled da derivanza intscherta che sa cumpona da ponn (u paun) e da pailus (u pelus/plus). In'emprima interpretaziun vesa en pompalus ina veglia tratga naz. grischuna che consistiva da paun e chaschiel u da paun ustrì en paintg (schuppa sitga). Questa tratga vegniva para mangiada dals mercenaris grischuns a Paris che vegnivan perquai numnads dals Franzos "Les Pompalous". Questa interpretaziun sa chatta en la chanzun «Il paun palus» da Georgius Schmid von Grüneck, chantada per l'emprima giada dal chor viril da Cuira il 1888.
Ina segunda interpretaziun vesa en il pled pompalus il ponn pailus (pannus pilosus) che avess da signifitgar il ponn da fieuter grisch dals Grischuns. Quai pudess esser fitg bain il senn oriund e pli vegl da pompalus: il ponn grisch ch'ha dà il num era a la LG ed al Grischun. Questa significaziun pli veglia è prob. vegnida remplazzada en il 18. tsch. tras l'emprima versiun.


Litteratura:
BT, 19-12-1897; Gazetta Ladina, 30-5-1924, nr 22; HwbRR.

Martin Bundi

lemma precedents Poltera, RocPonn lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: