Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Püchler [Püehler], AndreasPult, Giachem lemma sequent

Pult, Chasper
* 2-1-1869 a Sent, † 31-10-1939 a Sent, ref., da Sent. Figl da Jon e da Barbara n. Crastan, da Sent. ∞ 1908 Lola n. Küng. Scola primara a Massa Carrara (Toscana) ed a Sent, Scola chant. a Cuira. Studi da chemia, alura da romanistica a Turitg e Losanna, dr.fil. 1897. Sia dissertaziun, publitgada sut il titel «Le parler de Sent (Basse-Engadine)», è l'emprima monografia impurtanta davart in dialect local dal Grischun. Magister da talian a la Scola auta da commerzi a S. Gagl 1901-34. Comm. da la cumissiun filologica dal «Dicziunari Rumantsch Grischun» a partir dal 1907, schefredactur da quel a partir dal 1914 e sco tal - en l'emprima fasa fin il 1920 - rimnader da material linguistic (questiunaris e litteratura); il 1939 è cumparì l'emprim fascichel. Sco filolog, lexicograf e cumbattant per la lingua rum. è P. s'engaschà energicamain cunter l'Irredentissem tal. a favur da l'autonomia e la renconuschientscha dal rumantsch sco quarta lingua naziunala. Autur da poesias d'occasiun e dal raquint «Papparin» (ediziun postuma 1954).


Litteratura:
A. Schorta, Prof. dr. Chasper P., en: Annalas, 54/1940, 273-85 (cun reg. d'ovras).

Clà Riatsch

lemma precedents Püchler [Püehler], AndreasPult, Giachem lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :