e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Prada Pralung  Prader, Andrea * 23-12-1919 a Samedan, † 3-6-2001 a Turitg, ref., da Tavau e Turitg. Figl da Florian, inschigner, e da Lydie n. Vetsch. ∞ 1946 Sylvia n. Schucany, da Ftan, figlia da Giovanni Emilio. Scolas a Turitg, studi da medischina a l'Univ. da Turitg, examen da stadi 1944. Medi d'uffants FMH a partir dal 1950. A Baltimore (Maryland) ha P. scuntrà Lawson Wilkins ch'ha entusiasmà el per l'endocrinologia pediatrica. Dal 1953-62 è el stà medi superiur a l'ospital d'uffants a Turitg. Il 1957 è P. daventà docent privat, il 1962 prof. eo., e dal 1963-86 è el stà prof. ord. ed a medem temp directur da l'ospital d'uffants a Turitg. P. è sa participà tr.a. il 1956 a l'emprima descripziun dal sindrom da Prader-Willi-Labhart sco era al svilup ed a la realisaziun dals studis turitgais davart la creschientscha. Premi Otto Naegeli 1966, Medaglia Otto Heubner 1988, plirs doctorats d'onur. Ovras: Körpermasse, Wachstumsgeschwindigkeit und Knochenalter gesunder Kinder in den ersten 12 Jahren, 1977; Physical Growth of Swiss Children from Birth to 20 Years of Age, 1989. Litteratura: Paediatrica, 12/2001, nr 4, 50-52; A. Condrau, Helfen und Heilen, 2009², 165-69. Iris Ritzmann  Prada Pralung  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: