Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Planta, Johann [Hans Thur] von (Wildenberg)Planta, Konrad von lemma sequent

Planta, Joseph [von]
* 10-2-1744 a Castasegna, † 3-12-1827 a Londra, ref., da Susch. Figl d'Andreas. ∞ Elisabeth Atwood. Studis da giurisprudenza e filologia a las univ. dad Utrecht e Göttingen. Secretari dal minister britannic a Brüssel enturn il 1768-73. Bibliotecari-assistent al British Museum a Londra 1773 (en successiun da ses bab), bibliotecari inferiur 1775 e bibliotecari superiur 1799-1827. Emprim directur dal British Museum il 1792. A partir dal 1774 comm. e dal 1776-1804 secretari ordinari da la Royal Society of London. P. è s'occupà gia baud scientificamain da la lingua rumantscha. El ha perscrutà sco emprim en sia «Geschichte der romanischen Sprache» (engl. 1776, restampa tud. 1983) la derivanza e l'istorgia dal rumantsch. Questa lavur ha era fullà via a la perscrutaziun scientifica dal rumantsch.


Ovras:
The History of the Helvetic Confederacy, 1800.

Litteratura:
Geneal. Planta, tav. 31b/8; G.R. de Beer, Andreas and Joseph P., en: Notes and Records of the Royal Society of London, 10/1952/53, nr 1, 8-14; T. MacNamee, Romanisch und Keltisch bei Joseph P., en: BM, 2002, 265-91.

Stephan Hächler

lemma precedents Planta, Johann [Hans Thur] von (Wildenberg)Planta, Konrad von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: