Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Nay, Giachen MichelNaz, Johannes IV lemma sequent

Nay, Sep Mudest
* 11-10-1892 a Danis (vischn. da Breil), † 29-7-1945 a Danis, cat., da Breil. Figl da Mattias Antoni, lainari, lavurer da guaud e pur, e da Mariuschla Catrina n. Friberg, da Breil. ∞ 1922 Hedwig n. N., figlia da Giachen Michel Nay. Scola primara a Danis e Trun. Seminari scolastic a Cuira 1908-13. Mag. primar a Zignau 1913-17 e Danis-Tavanasa 1917-20, mag. secundar a Camischolas 1920-44. N. è s'engaschà fermamain per il rumantsch en scola. Sco comm. dal Cussegl grond 1931-37 ha el inoltrà il 1934 la moziun decisiva per la renconuschientscha dal rumantsch sco lingua naziunala. Autur da prosa e lirica ch'el ha publitgà en div. periodicas ed en cudeschs da scola cumpilads dad el sez. Bleras da sias poesias èn daventadas popularas en Surselva, intginas èn vegnidas messas en musica (tr.a. da Tumasch Dolf). Undrà cun il Curtin d'onur da la LG a Trun.


Ovras:
Rustgas e brustgas, en: Annalas, 52/1938, 1-16; Prosa e poesia, edì da R. Vieli, 1947.

Litteratura:
Bezzola, Litteratura, 647-49; Deplazes, Funtaunas 3, 95-97, 255-58.

Ursina Guldemond-Netzer

lemma precedents Nay, Giachen MichelNaz, Johannes IV lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: