Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MutMutzner, Carl lemma sequent

Mützenberg, Gabriel
* 9-4-1919 a Genevra, † 29-9-2002 a Genevra, ref., da Spiez/BE. Figl da Jules-Conrad, pedrist, e da Julie n. Rochat. ∞ 1965 Denise n. Oberli, magistra e scriptura, figlia da Gustave, tipograf. Pazient a Tavau dapi il 1948. Schurnalist, tr.a. da la «Tribune de Genève», sco tal ha el scuvert il 1952 a chaschun d'in viadi a Scuol il rumantsch ed è daventà il grond ambassadur ed intermediatur da la lingua, litteratura e cultura rum. per ils francofons en Svizra ed a l'exteriur. Autur da numerus artitgels da gasetta e da translaziuns en franz. da poesias e texts da prosa rumantschs. Il 1974 è cumparida sia ovra «Destin de la langue et de la littérature rhéto-romanes» (segunda ediziun amplifitgada il 1991), l'emprima da quel gener realisada en franzos. Il 1982 ha M. publitgà sia «Anthologie rhéto-romane» (poesias e prosa). Era sia dunna Denise ha emprendì vallader e publitgà poesias en quel idiom(«Dschember schamblin», collecziun da poesias rum.-franz., 1992).


Funtaunas:
Foi d'historien, 2002 (autobiogr.).

Litteratura:
24 heures, 3-10-2002.

Adolf Collenberg

lemma precedents MutMutzner, Carl lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :