Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MulinsMunaidas lemma sequent

Müller, Iso
* 13-12-1901 (Adalbert) ad Altdorf/UR, † 11-1-1987 ad Altdorf, cat., dad Altdorf. Figl dad Alban, giurist, e dad Elisabeth n. Arnold. Gimn. a Feldkirch e Nossadunnaun. Entrà en la claustra da Mustér 1922, profess 1923. Studi da teol. a Briganza e Nossadunnaun, ordinà sacerdot 1927, pader OSB. Studi d'istorgia a Friburg, promoziun 1931 («Die Anfänge des Klosters Disentis»). Dal 1931-80 è M. stà magister d'istorgia ed archivar claustral. En sias perscrutaziuns istoricas è el s'occupà surtut da las claustras da Mustér e Müstair sco era da la cristianisaziun dals territoris svizzers e da la cultura dal temp medieval retic e da quella dal temp baroc. M. ha publitgà en pli lavurs impurtantas davart l'istorgia politica, il traffic sur ils pass e las migraziuns dals Gualsers en las Alps Centralas. Sia ovra tematicamain variada cumpiglia - ultra d'in cumpendi d'istorgia universala per las classas gimnasialas superiuras en trais toms - passa 350 publicaziuns, da las qualas pliras èn cumparidas en furma da cudesch. Comm. d'onur da pliras societads istoricas da la Svizra, tr.a. da la Societad istorica dal Grischun. Dr.h.c. da l'Univ. da Lucerna 1986, Premi grischun da cultura 1971.


Litteratura:
Geschichte und Kultur Churrätiens, edì dad U. Brunold, L. Deplazes, 1986 (cun reg. d'ovras).

Urban Affentranger

lemma precedents MulinsMunaidas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: