Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ModernissemMoesa lemma sequent

Moeli [Möli], Johannes [Johann]
* 1651, † 1698, ref., da Zuoz. Stud.teol. a Turitg, nua ch'el ha scrit l'avust 1670 «Uenna Canzun ner Dispita tanter laua ed il fieuc». Recepì en la Sinoda retica 1673, preditgant a Luven 1679-98. Il 1686 ha el laschà stampar tar Gion Gieri Barbisch ils «Soings discurs dad ünn'Olma fideivla [...]», translatada tenor l' original tud. da Johann Gerhard. Da M. existan era manuscrits da pregias en latin e memorabilia da Luven. En ils onns 1681-89 ha stampà Nuot Clà Janett a Tschlin «Ilg saltar d'ils morts», scrit en surs. (110 strofas ad 8 lingias). Il 1724 ha Joannes Martinus translatà quest'ovra en rumantsch lad., ed il 1926 ha Peider Lansel publitgà las duas versiuns en furma sinoptica en las «Annalas». Il 1925 han ils students da la Ladinia inscenà la versiun lad., ed il 1944 ha Carli Fry publitgà ina versiun surs. scursanida dal text, intunà da Duri Sialm (davosa inscenaziun a Mustér 1986).


Archiv:
ASGR, ms privat.

Ovras:
Decurtins, Crestomazia 1, 196-99.

Litteratura:
Bezzola, Litteratura, 180 s.; Deplazes, Funtaunas 2, 65, 83-85.

Martin Bundi

lemma precedents ModernissemMoesa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :