Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MediaziunMedis lemma sequent

Medici, Gian Giacomo
* 1495, † 8-11-1555 a Milaun. Figl da Bernardo e da Cecilia n. Serbelloni. Frar da Giovanni Angelo, il posteriur papa Pius IV, e da Margherita, mamma dal cardinal Carlo Borromeo. Descendent d'ina fam. da l'auta aristocrazia, numnà era il Medeghin resp. der Müsser. Il 1523 ha M. obtegnì en feud dal duca da Milaun Francesco II Sforza il signuradi da Müsch, situà en la part sura dal Lai da Com. El ha transfurmà il chastè da Müsch en ina fortezza ed ha stgaffì in'atgna flotta, cun la quala el ha pudì smanatschar il traffic dals Grischuns e Confederads cun il ducadi da Milaun. Il schan. 1525 è el entrà en la Vuclina ed ha occupà las Trais Plaivs e Clavenna. Suenter la sconfitta cunter ils Grischuns a Murbegn en l'Emprima Guerra da Müsch dal 1525, è el sa retratg. Il 1531 ha el attatgà danovamain la Vuclina en la Segunda Guerra da Müsch, el ha dentant pers la battaglia cunter ils Grischuns ed ha stuì bandunar Müsch; la fortezza è vegnida demolida. M. è alura stà activ sco condottiere en servetsch da l'Imperi e da la Spagna.


Litteratura:
R.A. Ganzoni, Il Medeghin, en: Annalas, 30/1916, 1-57; F. Capi Bentivegna, Tra Lombardi e Grigioni: Il Medeghin, en: Svizzera Italiana, 12/1953, 25-27; R. Gariboldi, Un progetto del Medeghino di occupare Valchiavenna e Valtellina, 2007.

Martin Bundi

lemma precedents MediaziunMedis lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :