Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bullinger, HeinrichBundi, Balthasar lemma sequent

Bulsaun
Chapitala da la prov. da B. en l'Italia dal Nord (Val da l'Adisch), situada a la cruschada da pass alpins impurtants, tal. Bolzano, lad. Bulsan, tud. Bozen. En il temp rom. sa chattava B. al cunfin meridiunal da la prov. Rezia. En il temp medieval regiva qua in viv barat da martganzia e da cultura tr. la regiun da l'Adria/Vaniescha ed il Tirol dal Nord (sur il Brenner) resp. il Grischun (sur il Vnuost/Fuorn). En il temp medieval tardiv è B. stà temporarmain residenza da ducas austr. ch'han contractà qua tr.a. era cun ils signurs de Ramosch pertenent il chastè da Ramosch (1365), cun Eglolf von Ems conc. la summa da pegn per Weesen e Glaruna (1370) e cun il cont Friedrich VII von Toggenburg conc. l'amortisaziun dals debits austr. (1403). Il famus martgà da B. ha attratg en il temp medieval tardiv visitaders tant da la regiun da Vaniescha sco dal Grischun. En il temp modern èn questas relaziuns vegnidas interruttas. Il 1880 ha Andreas Rudolf de Planta preschentà in project per ina viafier da Cuira a B.-Triest sco part centrala d'ina lingia da viafier Paris-Constantinopel, cun l'intent da reactivar las veglias relaziuns commerzialas e culturalas. Malgrà il sustegn da la Chombra da commerzi da B., n'ha l'idea betg pudì sa far valair visavi la Viafier da l'Arlberg.


Funtaunas:
R. Thommen, Urkunden zur Schweizer Geschichte aus österreichischen Archiven 1, 1899.

Litteratura:
Pieth, Bündnergeschichte, 469; W. Schneider, Der Engadiner Schmalz- und Käsehandel in Bozen von 1500 bis 1650, en: BM, 1998, 299-333.

Martin Bundi

lemma precedents Bullinger, HeinrichBundi, Balthasar lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: