Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents LöwenbergLozza, Alexander lemma sequent

Löwenstein, von
Schlatta da chavaliers grischuna. Il chastè da L. (betg attestà) è probablamain dad identifitgar - sin basa d'ina descripziun da Durich Chiampell - cun la ruina situada sin il sparun d'ina muntogna en vischinanza da S. Clau en la vischnanca da Glion. Hartwig I (menz. il 1275-1303) è stà perditga il 1275 en in act da donaziun da Walter V de Vaz en favur dal chapitel catedral da Cuira e da las claustras da Curvalda e da S. Gliezi/Cuira. Ses figl, il chavalier Hartwig II (menz. 1289-1303), ha fatg la pasch il 1289, suenter ina faida, cun il barun Heinrich de Razén. L'auter figl, il chavalier Wilhelm I. (menz. 1289-1303), è stà perditga il 1303 en in accumodament tr. Ulrich von Flums e l'uvestg da Cuira. La vopna dals von L. (culiez e chau d'utschè vieut a dretga) sugerescha ina parentella cun ils de Castelberg ch'èn vegnids en possess dal chastè en il 14. tschientaner.

Funtaunas:
BUB.

Litteratura:
Clavadetscher/Meyer, Burgenbuch, 85.

Giorgio Girardet

lemma precedents LöwenbergLozza, Alexander lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: