Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Kind, PaulKind, Silvia lemma sequent

Kind, Paulus
* 19-2-1734 a Cuira, † 8-6-1802 a Cuira, ref., da Cuira. Figl da Christian, maister da mastergnanza, e da Verena n. Rieder. ∞ 1) 1761 Dorothea n. Flütsch, d'Aschera, 2) 1766 Anna Katharina n. Weber, da la Germania. Furmaziun teologica a Cuira e Halle. Recepì en la Sinoda retica 1757, alura scolast privat da la fam. Salis. Plevon ad Aschera 1759-61, nua ch'el n'è betg pli vegnì reelegì pervia da ses ardiment missiunaric. Plevon a Lantsch Sut 1763-72 ed a medem temp professer a Cuira. Preditgant liber 1772, plevon a la baselgia da S. Regula a Cuira a partir dal 1777, decan 1789. Antistes a la baselgia da S. Martin a Cuira dal 1792 fin a sia mort. K. è stà in protagonist dal protestantissem grischun, in ami da la Societad cristiana da Basilea, ma in adversari da la cuminanza dals herrnhuterans. El valeva sco mediatur tr. l'ortodoxia ed il Pietissem cun ideas moralas severas.


Litteratura:
E. Staehelin, Jahresbericht des Frey-Grynaeischen Institutes in Basel für das Jahr 1954, [1954?]; BBKL 20, 840-42.

J. Jürgen Seidel

lemma precedents Kind, PaulKind, Silvia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: