Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents IrredentissemIserin, Georg lemma sequent

Ischi, Igl
Organ da la Romania (dapi il 2006 Surselva Romontscha), fundà da Caspar Decurtins il 1896. Il 1894 aveva Decurtins convocà ils students ed onuraris surs. da l'Uniun studentica svizra a Trun per constituir ina fundaziun ch'è daventada il 1896 la Romania. Sia finamira era "la cultivaziun dil Romontsch, siu spért, sia historia e litteratura". «Igl Ischi» na vuleva betg mo preschentar l'ierta culturala rumantscha surs., mabain era motivar ils giuvens da s'engaschar per lur lingua e cultura cun pussibilitar ad els da publitgar en quella revista. Il 1907 è passada la redacziun da Decurtins a Pieder Tuor. «Igl Ischi» è prest daventà in organ da tempra scientifica cun collavuraturs da renum: menziun spez. meritan, sper Decurtins e Tuor, Gugliem Gadola ed Alfons Maissen. Causa sia tempra academica è «Igl Ischi» main popular che «Nies Tschespet». Dal 1897 fin il 1974 eran cumparidas 58 annadas; dapi alura ha la Romania publitgà ses organ sut il titel «Ischi semestril» per turnar il 1989 a la furma veglia in pau modernisada ed amplifitgada. La finamira è però restada la medema: tgirar e promover la lingua e cultura rum. sursilvana.


Litteratura:
P. Tuor, Il 25avel anniversari della fundaziun della Romania, en: Ischi 17/1921, 157-67.

Gion Deplazes

lemma precedents IrredentissemIserin, Georg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: