Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jens, InaJochberg, Gallus lemma sequent

Jeuch [Joch, Jöch, Jöh]
Schlatta attestada dapi il 1450 a Claustra. En il 17. tsch. ha la fam. giugà ina rolla politica e militara predominanta en la dretgira da Claustra Innerschnitz. Johann ha cumbattì il 1621 sco chapitani da la milissa dal Partenz cunter ils invasurs austriacs. Sut ses presidi ha la dretgira da Claustra Innerschnitz relaschà il Jeuch'scher Alpbrief, in urden d'alp cumplessiv. Il 1649 ha il landamma Christian sustegnì il cumin da Claustra cun in emprest per la liberaziun dals dretgs signurils austriacs. Il landamma Johann è stà chau da la LDD il 1668-69 ed il 1684-85, podestat a Tiraun il 1677-79 e cumissari a Clavenna dal 1683 fin a sia mort a l'entsch. dal 1684 (ses figl Hans ha servì il temp restant). Il landamma Marty ha laschà eriger il 1680 al Kirchplatz a Claustra la chasa signurila numnada pli tard Chasa dal docter (era Altes Rathaus, en possess da la vischnanca dapi il 1859). In tschert Johann è stà in dals donnegiads principals tras la bova da Mombiel dal 1770 che ha destruì 13 chasas e 27 stallas.
 


Litteratura:
F. Hew, Klosterser Heimatbuch, 1965².

Florian Hitz

lemma precedents Jens, InaJochberg, Gallus lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: