e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Jecklin Jecklin, Dietrich  Jecklin, Constanz (von Hohenrealta) * 4-2-1852 (Jakob Constanz) a Cuira, † 9-7-1938 a Cuira, ref., da Cuira. Figl da Constanz, commerziant, pur e cusseglier da citad a Cuira, e da Julia Friederike Maria n. von Salis-Soglio, da Cuira, Roten e La Punt-Chamues-ch. Biadi d'Andreas von Salis-Soglio, maister da mastergnanza e cuss. da citad. Frar da Fritz e mez frar da Dietrich. ∞ Agatha n. von Marchion, da Valendau. Scolas a Zezras e Cuira, studi da germanistica a Basilea e Lipsia, doctorat 1876. Segiurn d'in onn a Paris sco preceptur ed auditur a la Sorbonne. Scolast da tudestg, franzos, istorgia e geografia a la Scola chant. grischuna a Cuira 1877-1927 (rectur 1907-19). Pres. da la SIAG 1904-22 (comm. d'onur 1931) e conservatur al Museum retic 1927-38. Autur d'impurtantas publicaziuns istoricas, tr.a. da «Benedict Fontana und die historische Kritik» (1886), «Calvenfeier 1499-1799-1899» (publ. festiva redigida ens. cun ses frar Fritz, cun ina preschentaziun da la part dal Grischun a la Guerra svabaisa). Confundatur da l'Uniun grischuna d'art. Ovras: Urkunden zur Verfassungsgeschichte Graubündens, 1883-86; Urkunden zur Staatsgeschichte Graubündens, 1890-91. Litteratura: FR, 11-7-1938; JberBLV, 56/1938, 76-80. Martin Bundi  Jecklin Jecklin, Dietrich  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: