e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hartmann, Georges Hartmann, Nicolaus  Hartmann, Nicolaus * 4-11-1838 a Cuira, † 16-7-1903 a S. Murezzan, ref., dad Aschera. Figl da Nicolaus, maister scrinari, e da Magdalena n. Braun, da Cuira. ∞ 1869 Carolina n. Meisser, da Tavau. Scola elementara a Cuira e Glion, emprendissadi da miradur e da scrinari a Cuira, furmaziun supplementara en la Scola da dissegnar a Basilea ed a la Haarmann'sche Baugewerkschule a Holzminden sper Hannover. H. ha concepì ils projects da reconstrucziun da las vischnancas da Sievgia (1863) e da Lavin (1870-73) ch'eran vegnidas destruidas d'incendis. Il 1872 è el sa stabilì a S. Murezzan ed è daventà il piunier da la construcziun d'hotels en l'Engiadina. Sias ovras, tr. las qualas figureschan ils hotels Victoria (1875) e Du Lac (1875), la baselgia franz. (1877) e quella cat. (1886) a S. Murezzan Bagn sco era l'Hotel Waldhaus (1897) a Vulpera, èn caracterisadas d'in stil istoricistic e disponan p.p. da fatschadas cun ritgas decoraziuns en la tecnica da sgrafit. Archiv: ASGR, relasch parzial. Litteratura: ALS, 253 s. Isabelle Rucki  Hartmann, Georges Hartmann, Nicolaus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: