Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Grand, FlorianGrass, Bartholomeus lemma sequent

Gräpplang
Chastè-fortezza medieval en la vischn. da Flums/SG, situà sin in sparun grippus a travers da la Val da la Seez cun spundas abruptas vers il nord e l'ost, aut sur la veglia via commerziala che manava da Turitg per lung dal Lai Rivaun vers ils pass grischuns. Sin la collina da G. existan fastizs d'ina colonisaziun gia dapi il temp neolitic. Il 1249 (emprima attestaziun) ha la diocesa da Cuira cedì il castrum Flumins en feud a Heinrich von Flums. Il num G. è ina furma ibrida da rum. crap e tud. lang (= crap lung). La miraglia dal chastè-fortezza cuntegna anc parts da fanestras da l'epoca romanica e gotica sco era restanzas d'ina chaplutta cun sacristia (restaurada il 1991). Il 1528 ha la LCD vendì il chastè da G. (attestà dapi il 14. tsch. cun il num Grepallaa/Gräppala)a Ludwig Tschudi, frar dal cronist glarunais Aegidius. Il 1766 è la fortezza passada a la fam. Good da Mels ed il 1804, suenter litas ereditaras, a Josef Eberli da Flums, per vegnir demolida. Dapi il 1923 appartegna la ruina a la vischnanca.


Litteratura:
Kdm SG 1, 82-85; W. Neubauer, Flums-G. Eine spätbronzezeitliche Siedlung in der Schweiz, 1994; M. Peters, R. Neuhaus, Die Burgruine G. in Flums (SG). Bericht über die bauarchäologische Untersuchung 1990/91, en: Nachrichten des Schweizerischen Burgenvereins, 67/1994, 94-100; Flums-G.: 4000 Jahre Geschichte, red. da F. Rigendinger, 2006.

Martin Bundi

lemma precedents Grand, FlorianGrass, Bartholomeus lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: