Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BarblanBarblan, Otto lemma sequent

Barblan, Gudench
* 28-1-1860 a Vnà, † 5-10-1916 a Scuol, ref., da Ramosch. Figl da Jon, pur, e d'Anna n. Thun. ∞ Anna n. Poo, da Ramosch. Scolas a Vnà e Ramosch, alura Seminari  scolastic a Cuira. Magister en l'Engiadina 1880-98 ed al Plantahof a Landquart 1898-1914. Merits spez. sco redactur e referent en favur da metodas agriculas modernas. Autur da cudeschs da scola lad., collectader ed editur da litteratura populara. B. ha scrit poesias e raquints populars, rimnà paraulas, legendas e mits. Sco fervent chantadur e dirigent da chor ha el era rediǵ plirs texts da chanzuns. Sia «Chara lingua da la mamma», intunada da Robert Cantieni, è daventada famusa lunsch sur ils cunfins da la Rumantschia ora.


Ovras:
Poesias ladinas, 1908; Parablas, mitos religius, mitos eroics, legendas e da tuotta sort requints populars in Engiadina bassa, 1909.

Litteratura:
Bezzola, Litteratura, 405 s.

Lucia Walther

lemma precedents BarblanBarblan, Otto lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :