Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ganzoni [Gianzun], Rudolf AntonGartmann, Christian lemma sequent

Gargellen
Vischnanca austr. situada a 1423 m en la Val G. (Montafun) a la via per il Schlappiner Joch, la porta vers il Grischun. 1423 Gariellen. Colonisada en il 13. tsch. da libers Rumantschs da la Val Druschauna e da subdits da l'uvestgieu da Cuira. Da l'immigraziun intensiva da Gualsers en il 14. tsch. derivan ils toponims fermamain influenzads dal dialect gualser. Culegna abitada antruras durant l'entir onn, a partir dal 1800 mo pli durant la stad, oz grazia al turissem puspè durant l'entir onn. G. era ina staziun impurtanta per spustaments da truppas militaras, transports da martganzia e cuntrabanda sur il Schlappiner Joch en il Partenz. Anc durant l'Emprima Guerra mundiala sa chattava qua l'uschen. Balthasaren Scherm, in uigl da Balthasar Müller da Tavau per ina ventgina chavals da sauma. Praders da la regiun da G. èn vegnids tschientaners a la lunga e fin a l'entsch. da la Segunda Guerra mundiala a gidar a far fain en il Partenz, en il Scanvetg ed en la Val d'Avras.


Litteratura:
Montafoner Heimatbuch, 1974, 129-36, 654 s.

Adolf Collenberg

lemma precedents Ganzoni [Gianzun], Rudolf AntonGartmann, Christian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: