Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Fögl d'EngiadinaFomaz lemma sequent

Fögl Ladin
Anteriura gasetta per l'Engiadina, la Val Müstair e Bravuogn, sortida il schan. 1940 da la fusiun dal «Fögl d'Engiadina» e da la «Gazetta Ladina» (fund. il 1922). Il F. aveva ina tenuta politica lib., el n'era dentant betg l'organ d'ina partida. El sa concentrava tematicamain sin aspects linguistics e culturals. Ils redacturs principals dal F. èn stads Robert Ganzoni (1940-46), Men Rauch (1946-58), Domenica Messmer (1946/1958-70), Jon Manatschal (1979-86), Toni Kaiser (1987 - fan. 1991) ed Enrico Kopatz (1991-96, per part ens. cun Baldina Cantieni Kobi e Bettina Fluor). Cun il F. eri reussì (finalmain) suenter 100 onns da stgaffir ina gasetta cuminaivla per l'entira Engiadina e la Val Müstair. El cumpareva duas giadas l'emna a Samedan. Il 1-1-1970 ha il F. surpiglià «Il Giuven Jauer». Tras l'integraziun da l'«Engadiner Post» il 1987 è el daventà per in curt temp in organ biling (lad./tud.). Il davos numer dal F. è cumparì ils 31-12-1996 en in'ediziun da 3255 exemplars. Ils 6-1-1997 è il F. vegnì surpiglià da «La Quotidiana», publitgada da la Gasser Media SA a Cuira.


Litteratura:
FL, 3-12-1957 (nr spez. per il giubileum da 100 onns); Cantieni, Romanische Presse, 54 s.

Gion Deplazes

lemma precedents Fögl d'EngiadinaFomaz lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: