Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Foffa, PaulFögl Ladin lemma sequent

Fögl d'Engiadina
Fundà il 1857 dals reverendas Nicolo Kirchen, Gian Battista Tramèr e Janett Menni, redigì da Mathias Barblan e Simon Caratsch e stampà tras Johann Thürr e Peter Caprez a Zuoz. L'emprim numer è cumparì il 1-1-1858. Gasetta da l'emna d'ina tenuta liberalisanta cun l'intent da tgirar la lingua e la cultura rum., o.t. quella putera. Il 1865 ha Samuel Fissler surpiglià la stamparia da Peter Caprez, ed ils 23-12-1865 è il F. cumparì a Samedan sut la redacziun dad Otto Paul Juvalta, a partir dal schan. 1868 sut quella da Florian Grand e da Ludwig Mischol. Dal 1874-94 è il F. stà en possess da Johann Vaterlaus. Redacturs dal F., in forum da l'elita politica e culturala da l'Engiadin'Ota, èn stads - ultra dals redacturs da l'emprim'ura - tr.a. Peter Conradin, Andreas Rudolf e Florian (von) Planta, Johann Rosius à Porta, Simon Tanner, Giachen Danz, Gian Fadri Caderas, Otto Töndury, Otto Schwarz, Enrico Tung, Andrea Vital, Jon Guidon e Robert Ganzoni. Il F. ha fusiunà il 1940 cun la «Gazetta Ladina» al «Fögl Ladin».


Litteratura:
FL, 3-12-1957 (nr spez. per il giubileum da 100 onns); Deplazes, Funtaunas 3.

Gion Deplazes

lemma precedents Foffa, PaulFögl Ladin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: