e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Südostschweiz, Die (SO)
La SO, resortida da la «<elirlink href="aid:760">Bündner Zeitung</elirlink>», ha expandì sut ses editur Hanspeter Lebrument ad in sistem da gasetta interchantunal cun la redacziun centrala a Cuira. Ses intschess da derasaziun cumpiglia ils chantuns Grischun e Sviz, il chantun da Glaruna, il Principadi da Liechtenstein ed il sidost dal chantun da S. Gagl. A la Südostschweiz Presse AG appartegnevan il 2006 las trais ediziuns regiunalas «Die SO, Gaster/See» (fin il 2000 «Gasterländer/Seepresse»), «Die SO, Glarus» (fin il 2000 «Glarner Nachrichten») e «Die SO, Graubünden». En la medema chasa editura cumparan il «<elirlink href="aid:761">Bündner Tagblatt</elirlink>» e la gasetta rum. dal di «<elirlink href="aid:1418">La Quotidiana</elirlink>». Il sistem da gasettas cumpiglia plinavant otg titels affiliads cun mintgamai in'atgna chasa editura: il «Bote der Urschweiz» (dapi il 1997), il «Höfner Volksblatt» (1997), il «March-Anzeiger»(1997), il «Liechtensteiner Vaterland» (1998), il «Liechtensteiner Volksblatt» (1998), il «Sarganserländer» (1998), il «Werdenberger & Obertoggenburger» (1998) sco era la «Rheintalische Volkszeitung» (2004). L'ediziun totala da la SO è creschida da 111'000 (1997) a 124'760 exemplars (2010). La SO è, cuntrari al «Bündner Tagblatt» plitost cons., ina gasetta lib. dal center politic.</p>
Archiv:
Ovras:
Funtaunas:
Litteratura:
Foppa, Deutschsprachige Presse.
Daniel Foppa
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Succurs svizzer d'enviern