 |
e-LIR / Lexicon
Assistenza e-LIR
Redacziun e-LIR
Contact
Publicaziuns
Links
Sponsurs
Lexicon Istoric Retic (LIR)
Badrutt , Anton Robert * 29-7-1888 a S. Murezzan, † 9-3-1967 a Montagnola/TI, ref., da Pagig. Figl da Peter Robert. ∞ Erna n. Töndury, da Tarasp. Gimn. a Cuira, alura scola d'hotellaria a Losanna, praticums a Paris, Londra, Roma e New York. Il 1913 ha B. cumprà il bain da famiglia a Vöslau/A e transfurmà il Handelhof en il Badrutts Kurhaus Abtenau-Bad/A. Il 1918 ha el vendì la chasa da cura ed è stà durant ils envierns 1920-35 directur general da la Societad d'hotels da l'Egipta Superiura ad Assuan e Luxor. Durant las stads ha el manà l'Hotel Palace a Lucerna, a partir dal 1928 ils trais hotels Bucher-Durrer sin il Bürgenstock/NW, a partir dal 1932 l'Hotel Margna a Segl. Dal 1935-65 è B. stà directur general da l'Hotel Kulm a S. Murezzan, a partir dal 1940, durant plirs onns, era directur dal Grand Hotel Kurhaus a S. Murezzan. Ovras: Leiden und Freuden des Hotelberufes, 1942; Mein Wegweiser: Erinnerungen eines St. Moritzer Hoteliers, [1969] (autobiogr.). Adolf Collenberg
©HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna.Per tut ils texts publitgads a moda electronica valan las medemas reglas sco per la publicaziun stampada. |
Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch