 |
e-LIR / Lexicon
Assistenza e-LIR
Redacziun e-LIR
Contact
Publicaziuns
Links
Sponsurs
Lexicon Istoric Retic (LIR)
Cussegl d'educaziun II 1838 ha convocà il Cussegl grond in cussegl d'educaziun paritetic (prot. e cat.) per las scolas primaras, ed il 1843 ha el furmà da quel, cunter la ferma resistenza da la curia episcopala, in nov cussegl d'educaziun responsabel per tut las scolas (senza seminari da spirituals). Quel ha introducì l'urden da scola dal 1846 ed inizià l'organisaziun da scola dal 1853 (chantunalisaziun da la scola) e quella dal 1859. Sia cumposiziun: 1838 3 commembers (2 ref., 1 cat.); 1843 9 (6:3). Ils recturs da domaduas scolas chant. confessiunalas eran commembers ex officio dal cussegl d'educaziun, ils auters 7 vegnivan elegids dal Cussegl grond per mintgamai trais onns. Il cussegl d'educaziun elegeva sez il president ed il vicepresident. Il 1859 è el vegnì reducì a 5 commembers (3:2). Sia incumbensa era mo consultativa fin il 1843, alura ha ella surprendì la direcziun e surveglianza da las scolas, l'elecziun dals recturs e dals magisters da las duas scolas chant. confessiunalas (exceptà ils magisters da religiun) fin il 1850 ed alura da la scola chant. paritetica, la concessiun da las patentas da magister, l'elecziun dals inspecturs da scola e la preparaziun da las leschas ed ordinaziuns davart la scolaziun. Il 1894 è il cussegl d'educaziun vegnì schlià sco autoritad autonoma e suttamess al schef dal Dep. d'educaziun sco cumissiun d'educaziun consultativa. Funtaunas: Chal. statal GR. Litteratura: M. Schmid, Erziehungsrat und Erziehungskommission, en: Fegl scolastic grischun, 3/1944, nr 3, 112-17; Pieth, Bündnergeschichte, 385-89. Adolf Collenberg
©HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna.Per tut ils texts publitgads a moda electronica valan las medemas reglas sco per la publicaziun stampada. |
Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch