Logo und Banner  

  Lexicon Istoric Retic (LIR)

Lemma    
Chavazzin

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z


stampa

lemma precedent Braschler , Otto Bravuogn  lemma sequent

Braun-Blanquet , Josias
* 3-8-1884 a Cuira, † 20-8-1980 a Montpellier, ref., dad Avras. Figl da Jakob, funcziunari, e d'Elisabeth n. Kindschi [era: Kintschi], da Tavau. ∞ Gabrielle n. Blanquet, da la Frantscha. Suenter ina furmaziun da commerzi ha el studegià botanica (autodidact) ed inscuntrà Carl Schröter. Assistent dad Eduard August Rübel 1905-06. Sco commerziant a Genevra ha el gì contact cun botanichers famus, tr.a. cun John Briquet e Casimir de Candolle. Il 1908 ha el surpiglià il negozi da sems da ses barbas a Cuira. Studis a las Univ. da Turitg 1912 e da Montpellier 1913, dr.sc.nat. a Montpellier 1915. Assistent a la SPF Turitg, pli tard a l'Institut da geobotanica Rübel. Habilitaziun 1923 e docent privat, perscrutader liber a l'Univ. da Montpellier a partir dal 1926 (assistì a partir dal 1954 da Ruben Sutter). Fundatur da la sociologia da plantas (sistematica vegetala floreala ed ecologica) e da la Staziun internaz. da geobotanica mediterrana ed alpina (Sigma). Autur (p.p. cunautur) da ca. 80 publicaziuns davart la flora en il Grischun (a partir dal 1904). B. ha obtegnì tschintg dr.h.c., il Premi grischun da cultura 1971 e la medaglia d'aur da la Linnean Society 1974. El ha fatg part da numerusas societads ed academias da scienzas natiralas svizras ed estras. Chavalier da la Legiun d'onur, burgais d'onur da Cuira.



Ovras:
Pflanzensoziologie, 1928 (1964³); Flora von Graubünden, 1932-35 (ens. cun E. Grübel); Die inneralpine Trockenvegetation, 1961.

Litteratura:
R. Sutter, Dr. Josias B., en: Botanica Helvetica, 91/1981, 17-33 (cun reg. d'ovras); M. Camenisch, J.B., Chur 1884 - Montpellier 1980,, 2005.

Heinrich Zoller (ac)

lemma precedent
 Braschler , Otto

Bravuogn
 lemma sequent


pagina precedenta


©HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna.Per tut ils texts publitgads a moda
electronica valan las medemas reglas sco per la publicaziun stampada.





Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch