Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Könz, ConstantKönz, Steivan Liun lemma sequent

Könz, Iachen Ulrich
* 20-2-1899 ad Arezzo, † 25-12-1980 a Samedan, ref., da Guarda ed Ardez. Figl da Peider, commerziant, e da Constanza n. Vital. Biadi da Jachen Ulrich. ∞ 1) Dora n. Geer, 2) 1939 Selina n. Meyer (Selina Chönz). Maturitad a Cuira, studi d'architectura a la SPF a Turitg ed a la Scola auta da tecnica a Stuttgart, diplom da la SPF 1921. Praticum en Frantscha e viadis da studi en l'Italia. Agen biro a Tavau 1926-27, alura a Zuoz ed a partir dal 1939 a Guarda. Landamma dal cirquit da Sur Tasna, pres. communal da Guarda, comm. da la cumissiun grischuna per la protecziun da la natira e da la patria e suprastant da la secziun grischuna da la Societad dals picturs, sculpturs ed architects svizzers. K. è daventà enconuschent surtut sco architect engaschà en la tgira da monuments. El ha gidà a reconstruir las chasas destruidas d'incendis a Sent (1921) ed a Susch (1925). Menziun spez. tranter ils edifizis restaurads da K. meritan las baselgias parochialas da Zuoz (1918) e Guarda (1932-33), la Ciäsa Granda a Stampa (1953-56) ed il Chastè da Planta-Wildenberg a Zernez (1957). Sia ovra principala è stada la restauraziun totala da Guarda (1939-45). En ses edifizis novs ha K. tschertgà ina sintesa tr. l'architectura moderna e quella tradiziunala engiadinaisa che sa manifestescha p.ex. en las chasas-atelier da Turo Pedretti a Samedan (1946, destruì il 1951 da la lavina) e Schlarigna (1951), en la Chesa Flurina a Samedan (1964) ed en l'anteriura Chasa dal Parc Naziunal a Zernez (1968). Il svilup architectonic general dals onns tschuncanta s'exprima en la centrala da las OE Val-Zervreila (1953-58). Pres. da l'UdG 1942-45. Premio per l'architettura e l'urbanistica montana da l'Univ. da Turin 1954, Premi cultural dal Center da cultura Laudinella S. Murezzan 1978.

.



Ovras:
Das Engadiner Haus, 1952 (19944); Guarda, 1976 (1982²); Sgraffito im Engadin und Bergell, 1977.

Litteratura:
KLS 1, 539 s.; ALS, 318 s.; L. Dosch, Kunst und Landschaft in Graubünden, 2001, 349-52.

Leza Dosch

lemma precedents Könz, ConstantKönz, Steivan Liun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: