 |
e-LIR / Lexicon
Assistenza e-LIR
Redacziun e-LIR
Contact
Publicaziuns
Links
Sponsurs
Lexicon Istoric Retic (LIR)
Gliezi [Luzi/Luzius] , Son Confessur istoricamain attestà che ha vivì prob. en il 5./6. tschientaner. G. è stà il patrun da l'uvestgieu da Cuira dapi il 10. tschientaner. Sia adopziun da la confessiun cristiana ha provocà conflicts cun ils abitants da Maiavilla, Fläsch e Mäls/FL che tgiravan il cult pajaun da la vatga, attribuida als elements feminins da la glina, da l'agricultur e da la dunna. Quels han bittà el en in lajet sin il Pass S. G. Persunas gia convertidas al cristianissem han pudì salvar S. e manar el en in cortegi triumfal en la citad da Cuira cristianisada. La «Vita» carolingica (fin dal 8. tsch.) ha mitisà S. e fatg dad el il retg da la Britannia ed il missiunari da la Rezia. En l'11./12. tsch. è vegnida assegnada ad el la s. Emerita sco sora, en il 17. tsch. è vegnì agiuntà il motiv dal martiri. Lieus da pelegrinadi en veneraziun da S. durant il temp medieval: S. Gliezi/Cuira (fossa), la foretta da s. Gliezi sur Cuira e la baselgia sin il Pass S. Gliezi. Litteratura: E. Poeschel, Wann hat St. Luzius gelebt?, en: BM, 1938, 341-45; I. Müller, Die churrätische Wallfahrt im Mittelalter, 1964; A. Gasser, Die Lucius-Vita, 1984; B. Hübscher, Luzius, hl. Glaubensbote [...], en: JHGG, 2004, 25-74. Ursus Brunold
©HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna.Per tut ils texts publitgads a moda electronica valan las medemas reglas sco per la publicaziun stampada. |
Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch