Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CardinelCarigiet, Baseli lemma sequent

Carigiet, Alois
* 30-8-1902 a Trun, † 1-8-1985 a Trun, cat., da Trun. Figl dad Alois, pur e mastral, e da Barla Antonia n. Lombriser, da Trun. Frar da Zarli. ∞ 1943 Berta Carolina n. Müller. Emprendissadi da pictur da paraids e da decoraziun en in atelier da reclama a Cuira 1923-27, pli tard graficher independent a Turitg cun incumbensas per culissas e placats. Confundatur dal Cabaret Cornichon e responsabel per il decor, ils costums e la reclama. Il 1939 è el sa retratg a Platenga (vischn. da Sursaissa). C. è sa laschà inspirar da ses ambient rural per ils temas da ses dissegns ed aquarels, sias litografias e ses maletgs en ieli. Illustraziuns per plirs cudeschs d'uffants premiads, realisads en collavuraziun cun Selina Chönz (tr.a. «Uorsin», 1945; «Flurina», 1952), picturas muralas (sala dal Cussegl grond a Cuira, Muraltengut a Turitg). Ils cumenzaments da C. sco graficher da reclama èn preschents en sia ovra: el ha adina preferì las colurs primaras traglischantas e la linearitad. Premi grischun da cultura 1974. Undrà cun il Curtin d'onur da la LG a Trun.


Litteratura:
H. Diggelmann e.a., Alois C., 1992; BLSK, 196 s.; B. Stutzer, C.: die frühen Jahre, catalog d'expos., 2002; LTS, 340 s.

Tapan Bhattacharya

lemma precedents CardinelCarigiet, Baseli lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: