 |
e-LIR / Lexicon
Assistenza e-LIR
Redacziun e-LIR
Contact
Publicaziuns
Links
Sponsurs
Lexicon Istoric Retic (LIR)
Avugadia ecclesiastica En il dretg feudal era l'avugā eccles. (lat. advocatus) in laic incumbensā da defender ils interess seculars d'ina abazia u d'in chapitel. Il term tud. correspundent, Kast(en)vogt, cumpara oriund. en las funtaunas da l'intschess alemanic-svabais, per l'emprima giada il 1130 (diplom dal retg Lotar III, transcripziun dal 15. tsch.), ma spez. en il temp medieval tardiv, cura ch'ils novs signurs territorials, titulars da questa funcziun, revenditgavan il dretg da proteger e survegliar abazias e chapitels catedrals. Quai als permetteva d'intervegnir en la gestiun econ. da las instituziuns ecclesiasticas (il term tud. Kasten signifitga "graner"), da controllar la giurisdicziun che quellas possedevan e da represchentar las instituziuns sezzas vers l'exteriur e davant dretgira, obtegnend per recumpensa entradas da l'avugadia ecclesiastica. En il temp medieval tardiv č l'avugadia eccles. passada dals signurs feudals a las vischn. u als cumins - quella da la claustra da Mustér p.ex. al cumin da la Cadi (1401), quella da l'uvestgieu da Cuira a la LCD (1409). Litteratura: Deutsches Rechtswörterbuch 7, 539-41. Adolf Collenberg
©HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna.Per tut ils texts publitgads a moda electronica valan las medemas reglas sco per la publicaziun stampada. |
Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch