 |
e-LIR / Lexicon
Assistenza e-LIR
Redacziun e-LIR
Contact
Publicaziuns
Links
Sponsurs
Lexicon Istoric Retic (LIR)
Susta Edifizi u local d'administraziun utilisà fin viaden il 19. tsch. per deponer temporarmain martganzia en transit. Il term deriva dal lat. substare, rum. "star sut" en in lieu protegì da plievgia e naiv. Attestadas en il Grischun dapi il 9. tsch. lung las transversalas nord-sid, surtut las stabula menz. l'onn 840 a Beiva/Stalla ed a Segl. En ina distanza da 25-30 km devi lung las vias alpinas lieus d'etappa che consistivan solitamain d'ina staziun per midar chavals, d'ina ustaria e d'ina susta che servivan als ports. En las sustas stueva la martganzia vegnir stgargiada e surdada al proxim port per vegnir transportada vinavant. Questa fatschenta vegniva survegliada da l'uschen. maister da susta (tud. Theiler) che reparteva la rauba sin ils transportaders e che vegniva pajà tras las entradas da la taxa sin la martganzia transportada. Ils associads dals ports e transports eran responsabels per il mantegniment da la susta. Mo paucs nums locals regordan a las anteriuras sustas: Islas Sustas/Madulain (doc. il 1543), Sust/Susta a Val, Avras e Spleia. La susta medievala a Cuira, doc. il 1403 sco ze Clafutz in der statt, sa chattava immediat suenter l'entrada en la citad tras la Porta Sut, a dretga dal mir da tschinta. Funtaunas: CDG, Transitordnung für den Kanton Graubünden, 1806. Litteratura: Transitordnung für den Kanton Graubünden, 1806; Churer Stadtgeschichte 1, 286. Martin Bundi
©HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna.Per tut ils texts publitgads a moda electronica valan las medemas reglas sco per la publicaziun stampada. |
Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch