 |
e-LIR / Lexicon
Assistenza e-LIR
Redacziun e-LIR
Contact
Publicaziuns
Links
Sponsurs
Lexicon Istoric Retic (LIR)
San Gaudenzio Anteriura baselgia da pelegrinadi (di da Nossadunna d'avust) sur Casaccia, vischn. da Stampa. L'onn 831 è attestada la baselgia sco possess da la claustra da Faveras ch'ha exequì la collatura fin enturn il 1450, alura è ella ida en possess da la Bergiaglia. Tenor la legenda èn sepulidas qua las sontgas reliquias da G., la veneraziun dal qual è vegnida approvada dal papa en il 13. tschientaner. La baselgia da S. sa chatta al pe dal Set e dal Güglia ch'eran las transversalas nord-sid las pli impurtantas dal Grischun en il temp medieval. Dapi il temp medieval tempriv ha existì sper la baselgia in ospizi (menz. pir il 1336) che renviescha a la funcziun da basa da S. Il 1359 è la baselgia vegnida reconsecrada. Il 1518 è ella vegnida reconstr. en stil gotic ed il 1523 munida da la brev da perdun dal papa. Il 1551 han devastà ils refurmads la baselgia ch'è vegnida bandunada en il 18. tschientaner. Il 1925 è la ruina da la baselgia gotica vegnida restaurada. Litteratura: Kdm GR 5, 417 s.; Bundi, Besiedlung. Adolf Collenberg
©HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna.Per tut ils texts publitgads a moda electronica valan las medemas reglas sco per la publicaziun stampada. |
Redacziun LIR Adolf Collenberg Via Au' Alva 9 7016 Trin Mulin tel.+41 81 353 59 33 E-mail: colado@bluewin.ch
Redaktion HLS Hirschengraben 11 Postfach 6576 3001 Bern tel. +41 31 313 13 30 Fax +41 31 313 13 39 E-mail: : info@dhs.ch